DONNEZ VOTRE AVIS,PARTICIPEZ AUX BLOGS

Visitate Piana, e so calanche, e so bétonneuses

Bettunizemu !

Visitate Piana, e so calanche, e so bétonneuses(cliquez sur ce titre)

Venari u 27 di Lugliu 2012

E Calanche di Piana sò scritte à u patrimoniu mundiale di l'UNESCO. A merria attuale ella hà scrittu 600 nove residenze in u so PLU.

Visitate Piana, e so calanche, e so bétonneuses
Ind'i tempi antichi, a Corsica era bella, salvatica è u so liturale prutettu. Era ciò chì facia di st'isula una maravaglia. Mais ça, c'était avant. 

Una volta di più, hè l'associu U Levante chì ci prevene. U plan local d'urbanisme permette a custruzzione di... 70 èttare in u settore d'Arone, sia 600 residenze nove allora chì a cumuna conta circa 400 abitanti. 

In ciò chì Corse-Matin chjama una "réponse cinglante" (sic) a merria di Piana cerca di difendesi ma ùn nega micca u più impurtante. Sò 70 èttare di lochi salvatichi chì videranu cresce villà orrìbili pè ricconi cun piscina è garage pour le quad et le jet-ski. 

Ma u paese di Piana hà un omu eccezziunale chì difende a natura. In u libru d'Hélène ConstantyRazzia sur la Corse, l'anzianu merre (durante 38 anni) è attuale primu agiuntu incaricatu di l'urbanisimu Nicolas Alfonsi si presenta cum'è u più grande ecologistu di Corsica. 

À ascultallu, hè grazia à u so travagliu à u Conservatoire du littoral chì a Corsica hè sempre (appinuccia) priservata. 

Ancu di grazia. Chì saria statu sì l'omu era statu passiunatu di bettonu... 600 residenze solu in a so cumuna, u puderiamu ancu ringrazià d'ùn avenne previstu di più ! 

"Ùn eritemu micca di a terra di i nostri antichi, a pigliemu in prestitu à i nostri figlioli" avia dettu Saint-Exupéry. 

In Corsica, a vindemu u più caru pussibule, arruvinemu u paisaghju, ci mettimu lotissements goffi è senza anima distruttori d'identità è à i nostri figlioli li mettimu un bellu calciu in culu. 

È chì n'ai da fà di a terra, o Saint-Exupéry !

Aucune note. Soyez le premier à attribuer une note !

Ajouter un commentaire
Code incorrect ! Essayez à nouveau